Турскиот претседател Реџеп Таип Ердоган изјави дека Турција ќе обезбеди хуманитарна помош за Украина за да и помогне да ја преживее „тешката зима“, соопшти денеска кабинетот на Ердоган по неговиот телефонски разговор со украинскиот претседател Володимир Зеленски.
„Претседателот Ердоган во текот на разговорот истакна дека Турција ќе продолжи да работи на задоволување на хуманитарните потреби на украинскиот народ во претстојните тешки зимски месеци“, се вели во соопштението, кое го пренесе ТАСС.
Во соопштението се додава дека Ердоган и Зеленски разговарале и за последните случувања поврзани со војната во Украина.