Министрите за внатрешни работи на земјите-членки на ЕУ и Шенген зоната денеска во Брисел донесоа конечна одлука – Хрватска е полноправна членка на Шенген од 1 јануари 2023 година.
За Хрватска се гласаше поединечно, додека за Бугарија и Романија ќе се гласа посебно и се очекува Австрија да стави вето на тие земји.
Како што најави шефот за граници на хрватски МУП, Зоран Ничено, на 1 јануари ќе се отстранат рампите на границите со Словенија и Унгарија, а сообраќајот ќе биде непречен, како и во железничкиот и поморскиот сообраќај кон Италија.
„Хрватска доби едногласна поддршка од Советот за внатрешни работи и правда – на 1 јануари 2023 година ќе станеме членка на Шенген! Во годината на испорака ги постигнавме стратешките цели на Владата на Република Хрватска, од што најмногу ќе имаат корист граѓаните и стопанството!“, објави премиерот Андреј Пленковиќ на Фејсбук.