18-годишник од кочани е приведен вчера поради сомнеж дека го украл возилот на итната помош од ктугот на болницата во градот инфромира Министерството за внатрешни работи. Како што наведуваат од МВР тој ја признал оваа и уште две кражби.
– По преземени мерки и активности, на 03.12.2022 во 15.40 часот полициски службеници од Полициската станица Кочани го лишиле од слобода Д.Н.(18) од Кочани, поради основи на сомнение дека од кругот на болницата во Кочани одзел возило на Итната медицинска помош Кочани. Исто така, по преземени оперативно – тактички мерки расчистени се и кривични дела „тешка кражба“ на компјутер и „одземање моторно возило“ „опел корса“, извршени претходно. Во службен разговор во полициска станица Д.Н. ги признал дела, а одземените компјутер и возило „опел корса“ биле пронајдени и вратени на сопствениците. По целосно документирање на случаите против него ќе бидат поднесени соодветни кривични пријави се наведува во соопштението од МВР.
Возилот на Итната помош по пет часа од кражбата, полицијата го пронајде оставено на улица во Кочани.