Владата значително ги поедностави условите за доделување евтини финансиски средства на компаниите за отворање нови работни места.
Како што соопшти денеска портпаролот Александар Ѓорѓиев, за добивање кредит ќе биде доволно фирмите да имаат само еден вработен, а не најмалку двајца како досега. Исто така, лицето кое фирмата планира да го вработи, не мора да е на евиденцијата на Агенцијата за вработување минимум три месеци, шест или година, туку само еден ден.
– Со ова се проширува основата на трговските субјекти кои може да аплицираат за евтините кредити. Освен нови вработувања, ќе се овозможи и проширување на дејноста, рече Ѓеорќиев.
Владината мерка за кредитирање на компаниите е воведена од почетокот на годинава. Предвидува одобрување 3.000 евра заем за секое вработување или вкупно 9.000 евра за најмногу три лица.
Досега се реализирани три огласи на кои се одобрени кредити за над 250 лица. Со измените кои ги поедноставуваат условите за добивање кредит, се очекува драстично зголемување на оваа бројка, оцени портпаролот Ѓорѓиев.