Американскиот советник за национална безбедност Џејк Саливан најави дека САД работат на нов пакет санкции насочени кон Северна Кореја.
Тој истакна дека американската администрација спроведува политика на „притисок и дипломатија“ со цел да се постигне крајната цел за целосна денуклеаризација на Корејскиот Полуостров.
– Целта на нашата политиката останува иста како што беше од првиот ден на администрацијата, а тоа е целосна денуклеаризација на Корејскиот Полуостров. Тоа е цел што ја делиме и со Јужна Кореја и со Јапонија, наведе Саливан.
Тој додаде и дека американската администрација е отворена за сериозен и одржлив дијалог со властите на Северна Кореја без никакви предуслови.