Претседателката на Европската комисија, Урсула фон дер Лајен, во денешниот говор рече дека се проценува дека загинале околу 100.000 припадници на украинската армија и 20.000 цивили. Украинците досега избегнуваа да даваат прецизни информации за сопствените загуби, тврдејќи дека тие бројки ќе и дадат предност на Русија.
Комисијата подоцна се извини, додавајќи дека изнесените податоци се неточни бидејќи проценката ги вклучува и повредените и загинатите. Реченицата потоа беше отстранета од транскриптот на веб-страницата и од снимката на нејзиниот говор. Портпаролот на украинскиот Генералштаб одби да ги коментира објавените бројки, но повтори дека Русија ќе се соочи со казна за нејзините акции во Украина.
Фон дер Лајен рече и дека Европската унија ќе формира специјален суд кој ќе ја суди „агресијата против Украина“, односно за тоа што руската армија ја преминала украинската граница и ја започнала инвазијата.
Во последниве месеци, Киев активно води кампања за формирање на специјален суд за судење на Русија за инвазијата.