Вечеравечер, неколку минути пред полноќ на патот Битола-Ресен возило излета од патот при што тешки телесни поврди здобил совозачот кој починал на патот кон болницата во Битола информира Министерството за внатрешни работи. Смртта ја констатирал лекар од болницата.
– На 28.11.2022 во 23.55 часот во Полициската станица Ресен било пријавено дека на магистралниот пат Битола-Ресен, на место викано „Макази“, патничко возило „мазда“ со охридски регистарски ознаки, управувано од С.Ш.(21) од Ресен, излетало од коловозот. Во несреќата со тешки телесни повреди се здобил В.М.(28) од с.Јанковец, ресенско, кој на пат кон Клиничката болница во Битола починал, а смрт констатирал лекар од болницата. Со телесни повреди се здобила С.Ш. се вели во известувањето од МВР.
Известен бил Јавен обвинител, а увид извршила увидна екипа од Полициската станица Ресен.