Пентагон го разгледува предлогот на Боинг за снабдување на Украина со евтини, мали и прецизни бомби поставени на лесно достапни ракети, што ќе му овозможи на Киев да изврши напади далеку зад руските линии.
Воените резерви на САД и сојузниците се намалуваат, а Украина се соочува со зголемена потреба од пософистицирано оружје. Системот на Боинг, наречен GLSDB, е еден од неколкуте планови за производство на нова муниција за Украина и за источноевропските сојузници на Америка, изјавија за Ројтерс извори од индустријата.
GLSDB би можел да биде испорачан уште во пролетта 2023 година, според документот што го виделе Ројтерс и три лица запознаени со планот. Тој ја комбинира бомбата со мал дијаметар GBU-39 (SDB) со ракетен мотор M26.