Претседателот на Србија, Александар Вучиќ се обрати до јавноста и објасни дека Србија во моментов е под голем притисок.
– Во врска со плановите за кои зборуваат, на кои неколку пати се насмеав и реков дека веќе го добиле нашиот одговор во форма на нон-пејпер, во врска со нивниот нон-пејпер, а добивте и мојот устен одговор во Брисел, кои се нашите црвените линии и за што нема да зборувам. Се заканувате дека ќе ги прекинете преговорите, разговорите. Нема проблем, отсечете ги. Дали мислите дека некој сериозен во светот може да се пофали дека ги прекинува разговорите. Па, како тогаш ќе ги решите проблемите? Еве ние ви кажуваме, не го сакаме Косово во ОН. А што ќе правите тогаш, да не бомбардирате, да ни се заканувате со санкции, врз основа на кој акт и врз основа на што, кога целата меѓународна правна рамка е на страната на Србија.
Тој додаде дека знае колку комплицирана ситуација ги чека, но ги пофали претставниците на ЕУ и САД дека биле рационални.
„Ситуацијата кај Србите на Косово буквално врие. Србите се сити од теророт. Србите се сити од сè, од шиканирањето, уценувањето, сити се од меѓународните притисоци во кои никој не води сметка за нив и ги третираат како малцинство, а тие не сакаат да бидат малцинство“, кажа Вучиќ.