Турската полиција уапси две лица осомничени дека им помогнале на извршителите на терористичкиот напад во Истанбул да ја преминат турската граница, објави турската мрежа „Хабер“.
На 13 ноември се случи експлозија во пешачката туристичка улица Истиклал во центарот на Истанбул, при што загинаа шест лица, а 81 беа повредени.
Напаѓачот Ахлам Албашир призна дека има врски со Курдистанската работничка партија, која е забранета во Турција.
Осомничените и’ помогнале на Албашир и на уште едно лице кое можеби било вмешано во нападот, кое сега е во бегство, илегално да ја преминат турската граница.