Бразил, кој е најголема земја во Латинска Америка, го надмина симболичниот праг од 200 милиони жители.
Според податоците на бразилскиот Институт за географија и статистика, населението во земјата оваа година изнесува 201.032 714 лица.
Најнаселена е државата Сао Паоло со 43,6 милиони жители, а по неа следат државите Минас Жераис и Рио де Женеиро со 20,5 милиони, односно 16,3 милиони луѓе.
Прогнозите на Институтот покажуваат дека Бразил ќе го достигне својот демографски бум во 2024 година, кога бројот на населението ќе изнесува 228,4 милиони жители.