Украинските сили контролираат околу 1 отсто од територијата на источниот регион Луганск, изјави денеска прорускиот лидер на тој окупиран регион, а пренесува руската агенција РИА.
Леонин Пашечник, прорускиот лидер на Луганск назначен од Москва, рече дека Украина го контролира селото Белогоровка и две други населби во регионот Луганск. Рускиот претседател Владимир Путин ја прогласи Луганската област за дел од Русија, откако Русите одржаа т.н. „Референдуми“ во окупираните украински региони.
Западните влади и Киев рекоа дека референдумите се јасно кршење на меѓународното право и правно неважечки.