ЕУ усвои нови санкции против Иран

Од:

Уште 29 лица и три ентитети се најдоа на списокот на санкции на Европската Унија против Иран.

Овие санкции се поврзани со репресијата на иранските власти врз демонстрантите во протестите против режимот и смртта на младата Махса Амини.

Министрите за надворешни работи на ЕУ порачаа дека силно го осудуваат насилството на иранските власти врз демонстрантите и изразија поддршка за иранскиот народ.

Четири лица поврзани со апсењето на младата Амини, која беше одведена од властите поради неправилно врзување на шамијата на глава, се меѓу 29-те санкционирани, како и раководители на полициски и воени служби. Рестриктивни мерки има и за иранската национална телевизија, Прес ТВ, раководителот на кибер полицијата и министерот за внатрешни работи, Ахмад Вахиди.

На сите овие лица и ентитети им се забранува патување, им се замрзнува имот и се забранува ЕУ граѓани да им ставаат средства на располагање.

Додадени се и забрани за извоз на опрема која може да се користи во внатрешната репресија и разузнавањето.

Вкупниот број лица на списокот на санкции сега изнесува 126, како и 11 ентитети.

Извор: МИА

Би можело да ве интересира

Русија влегува во стратешко партнерство со Иран

Ганц повикува на координиран напад врз иранските нуклеарни постројки

Започнуваат најважните мировни преговори меѓу Европа и САД

Трамп го отфрли планот за напад на иранските нуклеарни постројки

Горан Наумовски

Иран ги објави своите недопирливи црвени линии

Хамнеи: Преговорите со Американците може и не мора да успеат