Градоначалникот на Центар, Андреј Жерновски со своите соработници денеска по четврти пат ги сослуша маките и проблемите на жителите.
Некои од нив, велат граѓаните на Центар, не се решаваат со години, никој не ги примал и не се ни обидел да види со што се соочуваат. Некои од нерешените прашања и барања се дури од 2003 година. Поради банална грешка во катастарот, со години, се пожали еден граѓанин кој има големи проблеми.
Дојдоа и жители на Гази Баба, се пожалија дека никој не сака да ги контактира, и ја пофалија отвореноста и транспарентноста на општина Центар.
Проблемите вообичаени, комунални, за легализација, проблеми во образованието.
Од градоначалникот ветување, веднаш надлежните ќе излезат на терен за да се направи веднаш увид.
