21-годишник од беровското село Ратево загинал во сообраќајна несреќа која ја случила на патот Берово-Струмица. Tој управувал со возилото кое излетало од патот и починал на местото на несреќата.
-На 06.11.2022 во 04.40 часот било пријавено дека на регионалниот пат Берово-Струмица, кај место викано „Кортелов Мост“, атар на с.Ратево, беровско, Б.Г.(21) од с.Ратево, управувајќи патничко возило „опел вектра“ со беровски регистарски ознаки, излетало надвор од патот. На местото на несреќата починал возачот информира Министерството за внатрешни работи.
Констатирана била смрт од страна на лекар од Итна медицинска помош. Извршен бил увид од Јавен обвинител и увидна екипа од Полициската станица Берово.