Неколку шпански аеродроми го затвориле својот воздушен простор по информациите дека кинеска ракета ќе се врати на земјата неконтролирано, а никој се уште не знае каде ќе слета телото на проектилот, пренесува Нова.рс.
Летовите до и од Барселона, Тарагона, Ибица и Реус е познато дека се приземјени, а други региони, вклучувајќи ги Ла Риоха, Кастиља и Леон, исто така, наводно, го направиле истото.
Мерката се очекува да трае околу 40 минути, иако локалните извештаи сугерираат дека места како Ибица можат да бидат погодени до три часа.
Портпаролот на каталонската агенција за цивилна заштита потврди дека поради ризикот поврзан со преминувањето на вселенскиот објект CZ-5B преку шпанскиот воздушен простор, летовите се целосно ограничени од 9.38 до 10.18 часот во Каталонија и други области.
Веќе се информирани аеродромите и другите организации“, рече тој.
Шпанските контролори на летот наведуваат дека Еуроконтрол ги информирал за неконтролирано повторно влегување на кинеска ракета во земјината атмосфера.
Да потсетиме, Кина во понеделникот го лансираше третиот и последен дел од својата нова вселенска станица Тиангонг, а потоа беше издадено предупредување дека телото на ракетата тешка 23 тони ќе се врати на Земјата. Не се знае точно каде може да слета проектилот, но Шпанија е идентификувана како една од земјите на нејзиниот пат.
Се чини дека некои патници во авионот биле информирани за затворањето на шпанскиот воздушен простор откако веќе се качиле на полетување.