Во очекување на отворањето на македонскиот клуб „Никола Вапцаров“ во Благоеврад на кое се очекува да пристигнат лидерите на ВМРО-ДПМНЕ, Христијан Мицкоски и на Левица, Димитар Апасиев, во градот има засилено полициско присуство за да се спречат инциденти.
Европратеникот Ангел Џамбаски од бугарското ВМРО, кој постојано излегува во јавноста со историски провокации, за телевизијата Нова рече дека отворањето на овој клуб е тешка провокација организирана од Скопје.
– Тие страшно згрешија додека ги напаѓаа бугарските клубови во Охрид и во Битола. Очекуваат тука да реагираме на истиот начин и да велат еве и во Бугарија има провокации. Но ние протестираме против собир на македонските политичари со сепаратисти во Бугарија. Луѓето кои стојат зад овој клуб велат дека Бугарија е окупатор во Пиринска Македонија, дека Благоевград е македонски – рече Ангел Џамбаски.