Украинскиот министер за одбрана Алексеј Резников призна дека операцијата на Вооружените сили на Украина на југ е забавена.
Тој во интервју за јапонскиот телевизиски канал NHK истакна дека офанзивната операција „забавила на југот“ на Украина, бидејќи руските вооружени сили ги користат каналите за наводнување како ровови.
Според Резников, првата фаза од стратегијата на украинската армија била задржување на вооружените сили на Русија, втората била стабилизирање на линијата на фронтот, а третата e актуелната контраофанзива.
Министерот изрази уверување дека вооружените сили на Украина ќе напредуваат до почетокот на зимата.
Претходно, Заменик-шефот на проруската воена управа на Херсон Кирил Стремусов, изјави дека вооружените сили на Украина немаат шанси да ја поместат одбранбената линија во регионот.
Извор: МИА