На плоштадот „Македонија“ во Скопје попладнево беше промовирана новата химна на Армијата на Република Македонија и новата униформа на баталјонот за Почести.
Промоцијата на новата химна и гардиската униформа е по повод 20 години од постоењето на АРМ.
– Химната е промовирана првпат во текот на овие 20 години. Припадниците на армијата ќе се гордеат и со униформата и со химната, а очекувам дека ќе биде прифатена и од граѓаните, изјави по промоцијата началникот на ГШ на АРМ Горанчо Котески.
Во изминатите неколку месеци, истакна, беа забележани активности по повод 20 години АРМ и тие, како што најави, ќе продолжат и во иднина.
– Активностите ќе завршат со централна свеченост во касарната „Илинден“ каде ќе имаат пристап и граѓаните, додаде Котески.
Началникот информираше дека досегашната гардиска униформа и понатаму ќе биде во употреба и ќе се користи во одредени свечени прилики.