Десетици луѓе загинаа во воени воздушни напади што ја погодија прославата во државата Качин во Мјанмар во неделата, објавија локалните медиуми и меѓународните организации.
Жртвите на нападот биле на концерт организиран од Армијата за независност на Качин по повод 62-годишнината од политичкото крило на Организацијата за независност на Качин.
Update- At least 70 people have been killed, including well-known artists and musicians, in an aerial attack on a concert in Kachin state by Myanmar’s military#2022Oct24Coup #WarCrimesOfJunta #WhatsHappeningInMyanmar pic.twitter.com/eP3ThCrp7B
— Chaudhary Parvez (@ChaudharyParvez) October 25, 2022
Ројтерс и локалниот медиум Иравади објавија дека загинале најмалку 80 луѓе, пренесува Ал Џезира. Си-Ен-Ен не можеше независно да го потврди бројот на пријавени смртни случаи и побара коментар од војската.
„По масакрот, семејствата се мачеа да добијат вести за своите најблиски поради продолжениот прекин на интернетот. Ние сме загрижени и поради извештаите за блокиран медицински пристап за жртвите на масакрот“, се вели во соопштението на Сојузот Качин.
Horrific reports of 60 killed & 200 injured by Burmese military airstrikes on a music festival in Kachin State last night. We are trying to confirm details.
We renew our call for aviation fuel sanctions to try to help stop these attacks.
Footage from WeChat. pic.twitter.com/l8BoX1kAcb
— Burma Campaign UK (@burmacampaignuk) October 24, 2022
Мјанмар е зафатен од конфликт откако воената хунта ја презеде власта со државен удар минатиот февруари. Групите за човекови права и набљудувачите велат дека оттогаш слободите и правата во земјата се влошени – државните егзекуции се вратиле и бројот на документирани насилни напади врз училишта од страна на војската е зголемен.
Се појавија бројни вооружени бунтовнички групи, додека милиони други продолжуваат да се спротивставуваат на владеењето на хунтата преку штрајкови, бојкоти и други форми на граѓанска непослушност.
Владата во сенка на Мјанмар, Владата на национално единство, група соборени пратеници, противници на пучот и претставници на етничките малцински групи, во понеделникот го осудија нападот, велејќи дека војската „намерно извршила уште едно масовно убиство“.
„Нападот јасно ги прекршува меѓународните закони како што се одредбите од Женевската конвенција“, се вели во соопштението. Тие ја повикаа меѓународната заедница и Обединетите нации итно да преземат ефективни мерки.