Украинската армија добива се повеќе пријави за грабежи во окупираниот град Херсон, соопшти вечерва Генералштабот на вооружените сили на Украина.
„Зголемен е бројот на случаи на грабежи и други незаконски дејствија во Херсон. Окупаторите крадат автомобили од локалното население и се обидуваат да го напуштат градот користејќи го траектот на мостот Антонивски“, соопшти украинската војска.
Претходно денеска, проруските власти во окупираниот Херсон наредија цивилите да се евакуираат на источниот брег на реката Днепар.
Украинскиот контранапад е се поблиску до тој град, кој уште во март беше окупиран од Русите. Киев ги отфрла руските тврдења за загрозување на цивилите како „неоснована хистерија“.