Менаџерите на кафулињата лоцирани на Широк Сокак во Битола, вечер во овој град по трет пат ја организираат културно-забавната манифестација „Бела Ноќ“.
Главна музичка ѕвезда на „Широк Сокак во бело – бела ноќ во Битола“ е Хернан Катанео од Аргентина, еден од 20-те најдобри ди-џеи во светот за кого организаторите посочуваат дека е лидер на електронската музика.
– Младите од градот и регионот имаат само една обврска, а тоа е да носат бела облека бидејќи в долж Широк Сокак вечерва од 21 часот се ќе биде во бело. Овој атрактивен музички настан го организираме по трет пат и повторно со светски познат диџеј каков што е аргентинецот Хернан Катанео, информираат од организацискиот одбор.
Културно-забавната манифестација „Широк Сокак во бело“ во Битола почна во 2011 година со настап на Кирил Џајковски, а минатата ексклузивец за младите беше диџејот Давид Моралес, а годинава Хернан Катанео, ди-џејот од главниот аргентински град Буенос Аирес.