Украинските сили повторно зазедоа повеќе од 500 квадратни километри територија и десетици населби само во јужната провинција Херсон од 1 октомври, изјави во четвртокот украинскиот претседател Володимир Зеленски.
Во видео обраќање Зеленски рече дека воени успеси се постигнати и во источниот дел на Украина.
„Има успех и на исток. Сигурно ќе дојде денот кога ќе известуваме за успесите во регионот Запорожје (на југоисточниот дел на Украина), во оние области кои сè уште се под контрола на окупаторите“, рече украинскиот претседател.