Премиерката Ана Брнабиќ вели дека по политичката одлука на ЕУ на барање на Хрватска да ја запре испораката на руска нафта за Србија преку Јанаф како дел од новиот пакет санкции на ЕУ против Русија, јасно е дека единствената точка на Денешниот состанок на европската политичка заедница во Прага ќе биде причината зошто Србија се уште не воведе санкции за Русија.
„Ова смени сè, претседателот Вучиќ оди таму и ми се чини дека единствената точка на дневниот ред е – зошто Србија се уште е единствената земја на европскиот континент која не воведе санкции кон Русија и кое е објаснувањето и само е прашање – кога ќе ги воведат тие санкции“, рече Брнабиќ.
Таа посочи дека денеска ќе се види како Вучиќ ќе се бори за интересите на Србија и ќе ги праша што очекуваат од Србија сега и на што имаат да се жалат по она што и го дозволија на Хрватска.
Брнабиќ истакна дека, во исто време, некои неодговорни политичари од опозицијата му се додворуваат на Западот и се обидуваат да ја искористат оваа тешка позиција на Србија и веруваат дека не може да се остане неутрален.