Земјите од Европската унија гласаа за осмиот пакет санкции против Русија, кои вклучуваат ограничување на цените на руската нафта што ја извезуваат трети земји. По донесувањето на оваа одлука, Србија нема да може да увезува нафта од Русија преку Јанаф.
Првобитниот предлог на Европската комисија предвидуваше исклучок кога станува збор за снабдување од Јадранскиот гасовод, но на инсистирање на одредени земји-членки на ЕУ тој предлог беше одбиен, бидејќи ставот е дека нема оправдување Србија да биде изземена.
Србија не воведува санкции кон Русија, па затоа не треба да има корист од отстапувањето. Со овој став се согласија и другите земји-членки (ЕУ) – изјавил дипломатски извор кој бил вклучен во дискусиите за новиот пакет санкции, пренесува Радио Слободна Европа.
Ваквата одлука, според режимските медиуми, го шокирала шефот на српската држава Александар Вучиќ, кој смета, како што се наведува, Хрватска е најодговорна за блокадата што и е наметната на Србија. Според најавите, Вучиќ во оваа прилика треба да се огласи, а главната причина поради која претседателот на Србија е незадоволен од одлуката на ЕУ е што, како што беше посочено, Бугарија, каде што работи рускиот Лукоил, доби привилегирана позиција, што е, исклучок.