Генералштабот на вооружените сили на Украина утрово соопшти дека руските сили во изминатите 24 часа извршиле девет ракетни напади, шест воздушни напади и 56 напади од повеќецевни ракетни фрлачи на територијата на Украина.
Погодени се објекти во повеќе од 27 населени места, вклучувајќи ги Харков, Краматорск, Бахмут, Мајорск, Железнодорозноје, Андреевка, Белогорка и Вознесенск.
Украинскиот Генералштаб додава дека руските сили ги гранатирале областите на одредени населени места во правец на Северск, Краматорск и Бахмут.