25-годишен скопјанец преку посердник договорил принден брак за неговата малолетна сестра со човек од Србија. Договорот го направил со родителите на „младоженецот“ кои ги дале парите. На сите четворица инволвирани им е одреден притвор. Поднесена им е кривична пријава за „трговија со дете“.
– Поднесена е кривична пријава против С.Ш.(25) од Скопје, Ф.А.(46) и М.Б.(51) двајцата од Р. Србија и Б.А.(49) од Скопје поради постоење основано сомнение за сторено кривично дело „трговија со дете“ казниво по член 418-г став 1 и 2 од Кривичен законик. Првопријавениот С.Ш., брат на девојчето, заради стекнување противправна материјална корист од 3000 евра преземал дејствија за склучување на присилен брак на дететo со лице од Србија, чии родители се второпријавената Ф.А. и третопријавениот М.Б., кои договориле и дале пари за склучување на присилниот брак. Четвртопријавениот Б.А. ја имал улогата на посредник меѓу С.Ш. и Ф.А. и М.Б. за надомест од 200 евра. Лицата се лишени од слобода, а од судија на претходна постапка им е одредена мерка притвор во траење од по 30 дена информираат од Министерството за внатрешни работи.