Американскиот метеоролошки центар предупреди дека Европа ќе биде погодена од ураган од прва категорија околу 13 септември, а ветровите ќе достигнат брзина од 153 километри на час.
Според официјалната публикација на американскиот метеоролошки центар НОАА, ураганот ќе биде од прва категорија и ќе доаѓа од Атлантикот навлегувајќи во Медитеранот, во близина на Албанија и Италија.
Ураган од прва категорија се нарекува бура каде ветрот достигнува брзина до 153 километри на час.
Максималните последици во подрачјата погодени од оваа категорија се ограничени штети на зградите и дрвјата, додека во крајбрежните области се очекуваат поплави со пораст на водата до 50 сантиметри.