Војната во Украина ја обедини Европа, изјави денеска на 17. Бледски стратешки форум Тони Блер, извршен претседател на Институтот за глобални промени и поранешен премиер на Велика Британија, посочувајќи дека на Украина треба да и се даде се што и треба за да се справи со руските агресија.
– Тој чин на агресија е шокантен, но ја обедини Европа и државите ќе се држат заедно. Во овој случај ја вклучувам Британија како дел од Европа. Ќе останеме заедно и оваа агресија нема да успее – рече Блер.
Тој додаде дека на Украина треба да и се даде се што и треба – пари, оружје за да се одбрани.
Тој исто така рече дека конфликтот во Украина врши голем притисок врз Русија, од која од почетокот на конфликтот заминаа милиони луѓе.
Тој посочува дека се надева оти наскоро ќе биде постигнат мировен договор и додава дека дотогаш Европа мора да ја поддржи Украина и да и даде се што и треба.
Зборувајќи за Брегзит, Блер рече дека Велика Британија се одлучила за тоа пред неколку години, и дека тоа и го соопштиле на Унијата, но истакна дека иако можат да имаат поинаква политика кон Унијата, не можат да ја променат географијата.
– Ние сè уште припаѓаме на Европа и соработуваме во различни сфери, секогаш ќе бидеме европска нација – рече Блер и додаде дека соработката на Велика Британија со ЕУ е неопходна, пренесе Блиц.рс.