Мисијата на Меѓународната агенција за атомска енергија (МААЕ), што треба да ја посети нуклеарната централа „Запорожје“ отпатува од Виена и подоцна во текот на денот треба да пристигне во Киев, соопшти украинското Министерство за надворешни работи.
„Се очекува мисијата да започне со работа во нуклеарната централа „Запорожје“ во наредните денови“, напиша на Фејсбук портпаролот на украинското Министерство за надворешни работи Олег Николенко.
Портпаролот на Кремљ, Дмитриј Песков, претходно денеска изјави дека Русија ќе ја гарантира безбедноста на мисијата на МААЕ во областите контролирани од руските сили околу нуклеарната централа „Запорожје“, во близина на градот Енергодар.
Извор: МИА