Претседателот на Модем, еден од коалициските партнери на владината коалиција во Франција, Франсоа Бајру, во интервју за неделникот Ле Поин објавено во средата на 24 август, оцени дека Франција „оди кон најсериозната криза“ што ја знае „од војната“ и која не може да се надмине „без огромен национален напор.
Овој говор доаѓа на денот кога Советот на министри се врати на работа по августовскиот одмор, за време на кој Емануел Макрон уште еднаш инсистираше на сериозноста на прашањата со кои се соочува „сериозната серија кризи“ на глобално ниво, од конфликтот во Украина до климатските промени.
„Моето длабоко чувство е дека се движиме кон најсериозната криза што Франција ја познава од војната“, „можеби дури и полоша од војната во Алжир“ (1954-1962), смета Франсоа Бајру во Ле Поинт.
„Не верувам дека таква криза може да се надмине без огромен национален напор. Сепак, самата идеја за национален напор честопати се чини дека е избришана“, смета центристичкиот политичар, кој исто така ја врши функцијата на висок комесар за планирање на Фрација.
„Понекогаш имам впечаток дека самиот политички свет не сфаќа што доаѓа, со оглед на завивањата и навредите што ги загадуваат дебатите во Националното собрание“, оценува шефот на МоДем, сојузник на претседателската партија во релативно мнозинство во Собранието.
На меѓународен план, Франсоа Бајру ги наведува конфликтот во Украина, ризикот од криза со храна, особено во Африка, расните тензии во САД, ситуацијата во Кина и изборите во Италија, каде лидерот на екстремно десничарската партија Фраели д‘ Италија Џорџија Мелони е во водство во анкетите за законодавните избори на 25 септември.
Тој ги спомнува и проблемите поврзани со енергетската транзиција, „многу високата инфлација“ и прашањето за „нерамнотежата на француските финансии“, за кои „се чини веќе никој во јавното мислење не е навистина свесен“. Емануел Макрон, уверува Франсоа Бајру, „нема да избегне ниту едно од клучните прашања за нашата иднина“. „Тоа е повеќе во прашање на среден и долг рок отколку во менаџирање на непосредните прашања.
Франсоа Бајру, исто така, ја потврдува „политичката, понезависна и иницијативна“ улога што, според него, премиерот мора да ја има во оваа нова политичка конфигурација, како што тоа го направи по законодавните избори, кои беа сфатени како критика на профилот на Елизабет Борн. „Верувам дека Елизабет Борн, интелигентна и решителна, го сфати ова и дека ја доживува потребата за оваа промена“, рече тој.
Извор: МИА