Некогаш лутите противници Црвенковски и Тачи се ракуваа и седнаа на маса и договорија заеднички настап на локалните избори.
Ова е првпат во македонската историја да се склучи договор на македонска и албанска партија а причините велат Црвенковски и Тачи се катастрофалната економска и социјална состојба, блокираните евроатланстски интеграции и фактот дека Македонија станува се понедемократска држава.
Виновникот го лоцираат во владеачката партија а излезот во промена на власта.
„Имаме заеднички ствави но и сериозни разлики“, рекоа Црвенковски и Тачи. За СДСМ Охридскиот договор треба целосно да се спроведе а за ДПА тоа е не доволно.
„ Не очекував дека владата ќе ја поздрави оваа соработката, но убеден сум дека граѓаните ќе ја поддржат“, уверува Тачи и додава дека се што ќе биде договорено ќе биде транспарентно.
Тачи и Црввенковски се сеќаваат на изјавата кога лидерот на ДПА делеше чинови и четнички кокарди за Црвенковски и соработниците, но сега Тачи вели дека „ако ги анализира Груевски и Ахмети од нивната соработка сега има многу гробови и издишана работа се таквите прашања“.
„Јавно сме се обвинувале и разменувале тешки зборови но кога вака некогаш жестоки противници решија да ги остават разликите настрана покажува до какво дереџе е донесена Македонија и е доказ за погубните политики на власта“, рече Тачи.
„Нема да затвораме медиуми, нема да бркаме медиуми, а земјата ќе се врати на правиот пат кон ЕУ и НАТО“, рече лидерот на ДПА.
Тачи потсети дека секогаш кога овие две политички партии соработувале имало мир и спокојство.
Партиски тимови ќе ја прецизираат соработката но начелно е договорено ДПА да ги поддржи кандидатите на СДСМ и опозициските партии каде што нема шанси да победи Албанец кандидат за градоначалник и обратно.
Црвенковски рече дека очекува почеток на црната кампања од како што рече Центарот за лаги и манипулации преку медиумските инсталации на власта. На Груевски му порачача
„Слободно продолжете со негативнта кампања, додека вие лажете, Македонија се обединува против вас“.
Тачи објасни од каде е стравот кај Ахмети и Груевски.
„ДПА која ќе го подржи кандидатот на СДСМ и опозицијата во Скопје има 18.000 гласови. СДСМ во Тетово и Гостивар има 6000 гласови, а во Струга 9000 гласови“.
И Тачи и Црвенковски ги нарекуваат како „глупави“ шпекулациите и написите во денешните весници околу симболиката за местото на средбата. Сопственикот на „Петрол Компани“ велат е наш заеднички пријател. Црвенковски праша дали со досегашните средби во Александар Палас ја прифаќа „политиката на антиквизација“.
Катерина Цаневска Арсовска