Со буџет од 5 милиони евра од Градот Скопје започна реновирањето на повеќе делови од Младинскиот културен центар (МКЦ) во Скопје. Џебното кино ќе добие нови акустични ѕидови, 80 нови седишта како и нов проектор заедно со проектно платно.
Градоначалникот на Град Скопје Коце Трајановски изјави дека по реконструкцијата ова кино ќе ги исполнува условите да влезе во „Арт- кино“ мрежите на ЕУ што ќе овозможи следење на филмовите кои се прикажуваат во европските Арт- кина.
Во реконструкцијата на културниот центар е вклучена и концертната сала каде што се прави нова сценска конструкција која ќе овозможи на сцената покрај музичките да се изведуваат и театарски претстави.
Т. П.
