Властите во Тајван истражуваат закана за бомба упатена на главниот меѓународен аеродром на островот, откако добиле анонимно писмо во кое се вели дека целта била „да се запре посетата на претседателката на Претставничкиот дом на САД на 2 август“, пишува американскиот магазин Њузвик.
Бирото за воздухопловна полиција на Тајван соопшти дека до попладнево не биле пронајдени сомнителни предмети на меѓународниот аеродром Таојуан во Тајпеј. Според информациите од локалните весници, остануваат уште околу шест часа до наводното пристигнување на Ненси Пелоси на друг аеродром на Тајван. Аеродромските власти соопштија дека ќе ги зајакнат безбедносните мерки како мерка на претпазливост.
Локални медиуми јавија дека во анонимна е-пошта испратена до компанијата од оператор на аеродром се вели дека три експлозивни направи ќе бидат поставени на аеродромот „за да се спречи посетата на претседателката на Претставничкиот дом на САД на Тајван“.
„Епл дејли“ објави дека писмото го примило утринава одделот за услуги на клиентите на аеродромот. Тој медиум беше еден од неколкуте што објавија дека делегацијата на Пелоси, за која се верува дека моментално патува со авион по заминувањето од Малезија, ќе пристигне на аеродромот Сонгшан во Тајпеј вечерва.
Извор: МИА