Македонистот Јовица Темов до Османи: Каква врска имате како доктор со дијалектите?

Од:

Лингвистот и професор Јовица Темов од велешката гимнанија на интернет објави дијалектна карта на македонскиот јазик со која ја демантира унилатералната декларација за јазикот на министерот Бујар Османи во која се тврди дека дијалектите на македонскиот јазик ги има само на територијата на денешна Македонија.

„Господине Османи, по професија сте доктор, по вокација – политичар, моментално министер во Владата на Република Македонија. Објаснете, каква врска имате со лингвистиката, конкретно со дијалектологијата!? Дијалектологијата е наука, како што е наука и медицината, како што се и политичките науки. Кога Вие говорите за дијалектологија, тоа е исто како јас да дебатирам со Вас за анатомија или патологија или хирургија.

Јасно е дека не можеме ниту јас, ниту Вие, да знаеме сè, ама оставете им го тоа што не го знаете на Вашите советници (ги имате десетици). Ако немате советник за лингвистика, еве јас се нудам, ги имам потребните квалификации“, објави Јовица Темов.

Македонистот смета дека дијалектната и политичката карта не се едно исто. Во ниту една држава, државните и дијалектните граници не се исти.
„Зошто? – Затоа што дијалектите постоеле многу пред тие земји да станат држави“, вели тој.

На фотографијата е дијалектна карта на македонскиот јазик, изработена во Одделението за дијалектологија при Институтот „Крсте Мисирков“. Обоените растери надвор од државните граници се области каде се говорат македонски дијалекти и тие ги има и во Егејска и во Пиринска Македонија и во Албанија и во Србија.

„Да тврдите дека македонски дијалекти има само на територијата на Македонија, е исто како да кажете дека албански јазик се зборува само во Албанија. Некој ќе рече дека не е исто… да не е исто, бидејќи сите знаеме дека албански јазик се зборува и во делови на Грција, на Македонија, на Црна Гора, во Косово. И никој тоа не го спори. Нејсе, ќе ги изоставам Србија, Грција, Бугарија, за пример ќе ги наведам само местата во Албанија (сигурно тие ви се познати), каде покрај албанскиот, се говори и македонскиот јазик: Билишта, Борје, Владоешта, Владимирица, Врбник, Глобочани, Запод, Зрновско, Клење, Корча, Лин, Подградец, Пустец, Себишта, Стеблево, Требишта, Туминец, Шиштавец…Демантирајте ме, Вие или некој од Вашите советници, дека тоа не точно, а ако е точно, зошто Ви беше потребна таа несреќна изјава!?“, додава професорот Темов.

Би можело да ве интересира

Османи: Слоганите на ВМРО-ДПМНЕ се обид да се омаловажи достоинството на секој Албанец

Орце Костов

Османи: Европскиот фронт ја победи коалицијата Вреди со над 40.000 гласа, волјата на граѓаните е јасна и треба да се почитува

Адеми: Волјата на гласачите е запишана, таа ќе биде дел од идните политики на државата

Османи: Одлучувачки избори за иднината на државата

Катерина Ѓуровски

Османи: Големиот Eвропски фронт ќе биде моќен штит за растечкиот национализам и ќе стане мост кон Брисел

Османи: На затворена седница ќе презентирам информации за Бањска, а Владата ќе одлучи за натамошно учество во „Отворен Балкан“