Украинскиот авион Антонов се урна на 40 километри од грчкиот град Кавала, поточно во Палеохори. Според веб-страницата FlightRadar, авионот полетал од Ниш, а набргу по полетувањето пилотот побарал итно слетување поради пожар на еден од моторите. Грчките медиуми јавуваат дека во него имало тројца членови на екипажот.
Според командантот на грчката цивилна авијација, Константинос Ликаракос, авионот полетал од Србија и се упатил кон Јордан, поточно градот Аман. Пилотот пријавил пожар на моторот во контролата на летање во Атина и сакал принудно да слета на аеродромот во Кавала.
На веб-страницата FlightRadar е наведено дека авионот регистриран UR-CIC, карго-превозник Meridian Air Cargo, полетал од Ниш во 20:36 часот. Податоците на страницата покажуваат дека авионот Антонов АН-12БК влегол над Егејското Море, се свртел во близина на Тасос кон брегот и наеднаш почнал да губи брзина.
Авионот во претходните два дена летал од Париз за Сараево, потоа за Белград, а потоа од Белград за Анкара.
Градоначалникот на општина Пангеа Филипос Анастасиадис вечерва потврди дека се работи за авион кој превезувал муниција и летал од Србија за Јордан, пренесува Катимерини.
Противпожарните екипи и возилата за итни случаи се на местото на несреќата, а пристапот до сите во радиус од 500 метри е забранет.
На интернет веќе се појавија снимки направени од очевидци, на кои се гледа како авионот гори и секундарни експлозии.
Subscribe????TELEGRAM: https://t.co/Uw6hADU627
An Antonov cargo plane crashed near #Kavala in northern Greece. According to the first information, this is a Ukrainian plane that flew from Serbia to Jordan, the pilot requested an emergency landing, but to no avail. Greece pic.twitter.com/Qi6EzLieo6— BRAVE SPIRIT (@Brave_spirit81) July 16, 2022
#Update: Just in – Picture of the fire and crash site, of an Serbian cargo plane that was carrying weapons for #Ukraine, has crashed in the north of #Greece near the city of #Kavala. pic.twitter.com/SJxCwp7cHz
— Sotiri Dimpinoudis (@sotiridi) July 16, 2022
Противпожарната служба ги повика граѓаните кои се насобрале околу местото на несреќата да се оддалечат.
„Ворија“ пишува дека дошло до прекин на струја во околните села, најверојатно поради искинати кабли.