Заменик генералниот секретар на НАТО, амбасадорот Александер Вершбоу е во еднодневна посета на Република Македонија.
Предвидено е амбасадорот Вершбоу, кој е во прва посета на Македонија, да биде примен од премиерот Никола Груевски, и да оствари средби со министерот за надворешни работи, Никола Попоски и со домаќинот, министерот за одбрана Фатмир Бесими.
Според најавите, на средбите ќе стане збор за актуелните односи меѓу Македонија и НАТО, имплементацијата на целите и активностите во Годишната национална програма за членство на Република Македонија во НАТО, со посебен акцент на перспективите за што побрзо зачленување на нашата земја во Алијансата.