Австрискиот воен експерт Маркус Рајснер смета дека Европа не може да ги исполни барањата на Киев за тешко оружје.
Рајснер, за дневниот весник на јавниот сервис ОРФ, го наведе примерот кога претседателот на Украина Володимир Зеленски побарал 300 ракетни фрлачи.
„Толку висок број во моментов не постои во цела Европа. Франција, Велика Британија и Германија тешко дека имаат двоцифрен број на ракетни фрлачи. Тоа значи дека тие земји ќе мора да останат без оружје за да и помогнат на Украина“, објасни тој.