Речиси 500 пожарникари се борат со шумските пожари кои избувнаа во околината на францускиот град Монпеље во услови на голема суша и температури кои достигнаа 36 степени Целзиусови.
Според информациите од противпожарна единица во јужниот оддел Гар во регионот Окситанија, на помош биле испратени 9 противпожарни авиони и еден хеликоптер.
Пожарите се уште не се локализирани, а главна задача на пожарникарите е да ги заштитат луѓето и објектите. Зафатени се околу 100 хектари површини надвор од населените места.
Оваа недела Франција се бори со топлотен бран и невообичаено високите температури за средината на јуни.
Извор: МИА