Заменик-шефот на украинската воена разузнавачка служба за Гардијан изјави дека Украина губи од Русија на првите борбени линии и дека сега речиси исклучиво се потпира на оружје од Западот за да ја држи Русија подалеку.
„Ова сега е артилериска војна. Иднината сега ќе се решава на рабовите на бојното поле, а ние губиме на артилериски план“, рече Вадим Скибицкиј, додавајќи:
„Сега се зависи од тоа што ни го дава Западот. Украина има едно парче артилерија за 10 до 15 Руси. Нашите западни партнери ни дадоа околу 10% од тоа што го имаат.
Ја потрошивме скоро целата наша артилериска муниција и сега користиме гранати на НАТО. Европа, исто така, испорачува гранати со понизок калибар, но како што Европа останува без оружје, количината се намалува“, рече тој.
Украинскиот претседател Зеленски минатата недела изјави дека меѓу 60 и 100 украински војници умираат секој ден, а уште 500 се ранети.
Скибицки смета дека конфликтот во блиска иднина ќе биде претежно артилериски и дека бројот на ракетни напади што можат да бидат лансирани од Русија и да погодат цивили ќе остане на сегашното ниво.