Градоначалникот на општина Центар, Андреј Жерновски со претседателот на советот Мирослав Шиповиќ и стручните лица од општината на лице место извршија увид за оштетувањето на една куќа зад гимназијата „Раде Јовчевски Корчагин“. Од невремето во саботата падна покрив врз соседната куќа.
За среќа, велат жителите нема загинати или повредени и направена е материјална штета. Сопственикот Ванчо Дамјанов е задоволен од интересот на општината и од ветената помош.
„Ова е навистина работа за која мора под итно да се интервенира. И бидејќи општина Центар, и јас како градоначалник, секогаш се грижиме и ќе се грижиме единствено за интересите на граѓаните, во рамките на законските и финансиските можности ќе помогнеме да се санира ова. Одлуката ќе ја предложиме на Седницата на Совет и ги повикувам и советниоците на ВМРО-ДПМНЕ да ја подржат, бидејќи сите сме избрани за граѓаните, а не за тесно партиски интереси.“ изјави Жерновски.
„Утре на седницата на советот ќе ја ставиме и оваа точка и ќе направиме се да се помогне на жителите на општината“ изјави Шиповиќ.