Денеска, триесет минути по полноќ, во СВР Скопје било пријавено дека на автопат – обиколница во Скопје, во близина на клучка Мирковци, патничко возило „фолксваген голф“, со косовски национални ознаки, управувано од 23-годишниот Х.Ч. од Република Косово, излетало надвор од коловозот.
Возачот загинал на местото на несреќата, а смрт констатирал лекар од Итна медицинска помош Скопје, пренесува МВР.
Увид извршила екипа на СВР Скопје, а по наредба на Јавен обвинител телото на починатиот било предадено за обдукција.