Членките на Европската унија треба да постигнат договор за прашањето за следниот пакет санкции насочени против Русија, што предвидуваат и блокада на увозот на руска нафта, изјави денеска шефот на ЕУ, Жосеп Борел.
„Потребно е јавно да донесеме одлука. Имаше разговори во неделата попладне и ќе ги има утрово, како и во текот на денот“, изјави Борел за францускиот јавен сервис „Франс инфо“.
Тој смета дека попладнево ќе им биде понуден договор на шефовите на земјите-членки на ЕУ.
На прашањето дали плановите за забрана на увозот на руска нафта може да пропаднат поради отпорот на Унгарија и другите источноевропски земји, Борел рече дека „не смета дека ќе биде така“ и оти „на крајот ќе има договор“.
Извор: МИА