Стотици Литванци ги здружија силите за да и купат напредно воено беспилотно летало на Украина во нејзината војна против Русија.
Потребните пет милиони евра беа собрани за само три и пол дена, главно во мали количини, за финансирање на купувањето на воениот дрон Bayraktar TB2, според Laisves TV, литванската интернет мрежа која ја покрена иницијативата.
„Пред да започне војната, никој од нас не мислеше дека ќе купуваме оружје. Но сега е нормално. Мора да се направи нешто за да се направи светот подобар“, рече Агне Беликаите (32), која испратила 100 евра веднаш штом почнала акцијата.
„Веќе некое време донирам за купување оружје за Украина. И ќе го правам тоа додека не победаме“, изјави таа за Ројтерс, додавајќи дека делумно е мотивирана од стравувањата дека Русија може да ја нападне Литванија.