Копнените сили на руската армија продолжуваат со обидите да ги опколат Северодонецк и Лисичанск и неодамна окупираа неколку села северозападно од Попасна, објави британското Министерство за одбрана во најновиот извештај на военото разузнавање.
Најголемиот притисок на Русија е врз Северодонецк, но Украина се уште има контрола врз неколку добро одбранети сектори, поради што Русите сè уште немаат целосна контрола врз Донбас.
Во последните денови, руските сили веројатно извлекле тенковите Т-62 од складиштето, стари 50 години и ги префрлиле во јужна Украина, се вели во извештајот. Овие тенкови ќе бидат особено ранливи на противтенковско оружје и го нагласуваат фактот дека Русија нема модерна опрема подготвена за борба, тврдат британските разузнавачи.