Украинските воздухопловни сили објавија дека руска крстосувачка ракета лансирана од морето во текот на ноќта погодила инфраструктурни цели во близина на Лавов на западот на земјата, а Русија објави дека уништила пратка со американско и европско оружје, пренесуваат агенциите.
Воздухопловните сили објавија и дека украинската воздушна одбрана соборила три проектили.
Според регионалниот гувернер, зафатена е железничката инфраструктура.
Русија ги напаѓа сообраќајните центри и складиштата за гориво во близина на Лавов во обид да ја отежне испораката на оружје.
Руското Министерство за одбрана соопшти дека нејзините проектили погодиле и уништиле американско и европско оружје во регионот Лавов во западна Украина.