Бугарска туристка синоќа е пронајдена мртва во изнајмена соба во Струга.
Портпаролот на СВР Охрид Стефан Димоски информира дека жената родена 1951 година во Софија, била пронајдена околу 19 часот и 30 минути од сопственикот на куќата, каде што била сместена.
– Медицинска екипа веднаш дошла на местото и констатирала смрт без траги на насилство, истакна Димоски.
Тој посочи дека по барање на истражен судија денеска ќе биде извршена обдукција.