Генералниот секретар на ОН, Антонио Гутереш, во твит денеска напиша дека ОН нема да се предадат и дека ќе ги удвојат своите напори да спасат животи и да го намалат страдањето во Украина.
-Бев трогнат од отпорноста и храброста на луѓето во Украина. Мојата порака до нив е едноставна: Нема да се предадеме. ОН ќе ги удвои напорите да се спасат животи и да се намали човечкото страдање. Во оваа воjна, како и во сите други, цивилите секогаш плаќаат највисока цена, напиша Гутереш.
Твитот доаѓа веднаш по посетата на Украина и средбата со украинскиот претседател Володомир Зеленски. Претходно во Москва, тој се сретна и со рускиот претседател Владимир Путин.
Во Киев, на прес конференција со Зеленски, Гутереш побара да се отварат евакуациски коридори за безбеден транспорт на цивили од Мариупол.
Извор: МИА