Вчера вечер во 21.50 часот во СВР Скопје, Б.И. пријавил дека во хотел на подрачјето на Центар каде од 22.04.2022 во една од собите престојувал неговиот пријател 46-годишниот И.И. од Скопје, истиот не ја отварал вратата од собата, ниту пак усно одговарал, извести МВР.
– Пријавителот заедно со полициски службеници од Полициската станица Центар ја отвориле вратата од собата, каде го пронашле починат И.И. Констатирана била смрт од страна на лекар од Итна медицинска помош. Извршен бил увид, а по наредба на Јавен обвинител, телото на починатиот било дадено во Институтот за судска медицина, за обдукција, соопшти МВР.