Генералниот секретар на ОН Бан Ки-мун разговараше со рускиот министер за надворешни работи Сергеј Лавров за хуманитарната криза и насилствата во Сирија.
Портпаролот на ОН Мартин Несирки објави дека Бан ја истакнал потребата од наоѓање политичко решение на речиси две и полгодишниот конфликт во Сирија и итно организирање на нова конфереција во Женева, на која властите и опозицијата ќе се договорат за преодна влада.
Бан Ки-мун, исто така, истакнал дека ОН ќе направат се за поддршка на израелско- палестинските мировни преговори. Меѓу другите теми на разговор биле и Либан, Авганистан и регионите на Блискиот Исток и Северна Африка.
Сириската криза најверојатно ќе биде централна тема на денешните средби на Лавров со државниот секретар на САД Џон Кери и министерот за одбрана Чак Хејгел во Вашингтон.